Ikastolako ikasgelak zabaltzen ditugu EKINTZA Ikastolako gurasoek eta ikasle ohiek prestakuntza-saioak eman ditzaten haien ezagutza-arloari buruz, ikasleen mailara egokituta betiere.
Lanbide eta ezagutza guztiak dira ongietorriak!
EKINTZA Ikastolaren Family Expert programa familiak, ikasle ohiak eta 2urtetik 18 urtera bitarteko ikasleak elkartzeko topalekua da. Helburua da familiek eta alumniek haien esperientziak eta ezagutzak transmititzea ikasleei lehen pertsonan, ikasleen konpetentziak hobetzeko eta mundu-ikuspegia aberasteko. Hori guztia gure hezkuntza-komunitatearekin harremanak indartzen ditugun bitartean.
HITZALDI INFORMALAK: Goi-mailako zikloetako ikasleei zaletasunak, lanbideak eta ogibideak hurbiltzea. Haur Hezkuntza, Lehen Hezkuntza
MASTERCLASS: Zure esperientziaren edo ezagutzaren arloko intereseko gai zehatzei buruzko masterclass bat ematea. Lehen Hezkuntza, DBH, Batxilergoa
ORIENTAZIOA: Orientazio-saioetan parte hartzea. Batxilergoa BISITAK: Zure lantokira bisitak proposatzea. Batxilergoa
ENPRESEN EKIMENAK: Zure enpresak edo beste eragile batzuek ekimen, programa edo lehiaketa hezitzaile interesgarriak sustatzen badituzte, gonbita egin diezaiokezu ikastolari horietan parte hartzeko. Lehen Hezkuntza, DBH, Batxilergoa
Family Expert saioak zuk nahi duzun modukoak izan daitezke, baina xede-ikasleak kontuan izan behar dira beti. 40 eta 90 minutu bitarteko saio bat diseinatzea proposatzen dizugu. Formatuari dagokionez, librea da: aurkezpena, tailer praktikoa, bizipenen gaineko esperientzia... Zure ideiara egokituko gara.
EKINTZA Ikastolan euskaraz bizi gara eta euskaraz ikasten dugu, baina mundura begira. Horregatik, saio horiek egiteko lehentasunezko hizkuntza euskara da ziklo guztietan, baina DBHko eta Batxilergoko ikasleentzat badira, ingelesez izan daitezke eta gaztelaniaz edozein zikloko ikasleentzat.
Ikasturtean zehar edozein unetan aurkez dezakezu zure ideia, baina antolakuntza-arrazoiak direla eta, hobe da ikasturte hasieran egitea, irailean zehar.
Bidal iezaguzu mezu elektroniko bat zure ideia azaltzen: gaia, formatua, nori zuzenduta dagoen, beharrak, etab.
Jasotako proposamenak aztertuko ditugu egokiak diren zehazteko eta gauzatzeko une egokia aukeratzeko.
Harremanetan jarriko gara zurekin zure parte-hartzearen xehetasunak zehazteko.
Ikastolara etorriko zara zure saioa ematera eta EKINTZA Ikastolako Family Expert ekimenaren parte izango zara. Ongi etorri!
