Komunikazioa eta ahozko hizkuntza lantzea funtsezkoa da haurren garapen intelektual, emozional eta sozialerako. Hizkuntza behar bezala estimulatzeak haurtzaro goiztiarrean trebetasunak garatzen laguntzen du. Funtsezkoa da, adibidez, haurren pentsamenduak antolatzeko eta ulertzeko, horren bidez informazioa prozesatzen eta ulertzen ikasten baitute.

Garapen intelektualean ere laguntzen die, garapen kognitiboan eta emozioen eta sentimenduen adierazpen egokian lagunduz.

Beraz, hizkuntza ikastea eta garatzea haurren ikaskuntza-prozesuaren oinarrietako bat da, eta premiazkoa da txikitatik estimulatzen hastea. Gurasook berebiziko garrantzia duzue prozesu honetan; horregatik, zuen seme-alabekin praktika hori sustatzeko gomendio batzuk partekatzen dizkizuegu. Udako data hauek abagune bikaina eskaintzen digute horretarako!

Zer jarduera egin ditzakegu guraso gisa?

Hizketan aritu: Haurrari hitz egin maiz, jaiotzatik bertatik. Eguneroko jarduerak deskribatu, haurrari galdetu eta erantzunak itxaron. Honek haurraren hizkuntza garapena bultzatuko du.

Irakurri: Egunero irakurri haurrarekin. Haurrei liburuak irakurtzeak haien hiztegia eta ulermena handitzen ditu, eta irakurtzeko zaletasuna sustatzen du.

Kantatu eta errimak erabili: Abestiak eta errimak erabiliz, haurren arreta piztu eta hizkuntza jolasean ikasteko aukera ematen da. Errimak eta erritmoak hizkuntza errazago gogoratzeko lagungarriak dira.

Erantzun eta zabaldu: Haurrek esaten dutena entzun eta erantzun. Haien hitzak eta esaldiak zabaldu eta aberastu, esaldi osoekin eta hiztegi aberatsarekin.

Jolastu eta imitazioak egin: Jolasen bidez hizkuntza garatu. Imitazio jolasak eta rol-jolasak haurren hizkuntza eta komunikazio-trebetasunak hobetzen dituzte.

Komunikazioa sustatu teknologia mugatuz: Pantaila denbora mugatu eta aurrez aurreko komunikazioa sustatu. Teknologia gehiegizko erabilerak hizkuntza garapena kaltetu dezake, interakzio zuzenik ez dagoelako.

Pozik eta pazientziaz aritu: Haurren ahaleginak baloratu eta sustatu. Pazientziaz jokatu eta haurrak beren erritmoan ikasten utzi.

Hortaz, komunikazioa eta ahozko hizkuntza garatzea funtsezkoa da haurren garapen osorako, eta, ikusten duzuenez, gurasoek hizkuntzaren garapena susta dezakezue, hitz eginez, irakurriz, abestuz edota seme-alabekin jolastuz. Horrela, beharrezko trebetasunak eskuratuko dituzte, garapen kognitiboa, soziala eta emozionala sustatuz, eta etorkizunean arrakasta akademiko eta pertsonalerako bidea erraztuz.