Robotikako ikasgaia eskaintzen dugu 1. DBHtik, une egokia baita pentsamendu konputazionala lantzen hasteko. SCRATCH plataformarekin hasten gara lanean eta BQ teknologiarekin jarraitzen dugu, Bitbloq hezkuntza-plataformaren bidez. Batxilergoa amaitzean, ikasleek benetako arazoentzako irtenbide berritzaileak garatu ahal izateko ezagutzak izango dituzte, esaterako, itsuentzako betaurrekoak, urrunetik gidatutako kotxeak edo robot xurgatzaileak garatzeko.
 
Halaber, Eusko Jaurlaritzako Hezkuntza Sailak sustatutako Eskola Adimentsua programan ere hartzen dugu parte. Bertan, programazioarekin, robotikarekin eta pentsamendu konputazionalarekin lotutako konpetentziak lantzen dituzte hezkuntzako etapa guztietan.

Irakurtzea ezinbesteko ohitura da jardun akademiko egokirako eta ezagutzarako sarbidea emateaz gain, esploraziorako, irudimenerako eta gozamenerako ateak zabaltzen ditu. EKINTZAn hainbat ekimen ditugu irakurzaletasuna sustatzeko:

• Liburutegi atsegina dugu, askotariko liburu-eskaintzarekin eta ziklo guztietako ikasleek irakurketa-saio indibidualak eta taldekakoak egiten dituzte.
• Haur Hezkuntzako eta Lehen Hezkuntzako lehen ikasmailetako gelek irakurtzeko txoko lasaia dute. Maiz aldatzen ditugu txokoko proposamenak, haien interesak estimulatzeko.
• Ipuinak euskaraz edo ingelesez kontatzeko unea da 2 urteko gelako haurren eguneko unerik desiragarrienetako bat.
• Topaketak egiten ditugu gure inguruko idazleekin, literatura garaikidera hurbiltzeko. Izugarri gustatzen zaigu, batez ere Alumniak badira!

1988tik Musika Eskola propioa dugu eta etengabe ari da hazten. Musika arloko irakaskuntza praktikoa, indibidualizatua eta pertsona bakoitzaren gaitasunetara egokitua proposatzen dugu. Adin guztietako 200 ikasle baino gehiagok gozatzen dute urtero jarduera horrekin: instrumentu bat jotzen, abesbatzan abestuz edo orkestran parte hartuz.

Hezkuntza integralaren arloan, ikasleen sentsibilizazioa eta konpromiso soziala sustatzen ditugu boluntariotza proiektuetan parte hartuz. Besteak beste, goi-mailako zikloetako ikasleak lankidetzan aritzen dira urtero Voluntariado Express elkartearekin. Elkarte horrek kalean bizi diren pertsonei laguntzen die. Gainera, Mestiza elkartearen laguntzarekin, azken ikasmailetako ikasleak Donostiako ludoketetara joaten dira asteburuetan eta oporretan haurrei euskarazko liburuak irakurtzera.