Azaroak 28: zatoz EKINTZA Ikastola ezagutzera gure ate irekien jardunaldian

Ikastetxe baten bila hasten zaretenean, galdera ugari sortzen dira. Jakin nahi duzue nola ikasiko duten, nork zainduko dituen, familiekin nolako harremana izango den edo hazten doazen heinean zer aukera izango dituzten zuen seme-alabek. Webguneko informazioak gure proposamenaren lehen hurbilketa bat eskaintzen dizue, baina ikastola bisitatzeak eta aurrez aurre hitz egiteak esperientzia hori bertatik bertara irudikatzen laguntzen du.

EKINTZA Donostiako ikastola itundua gara, eta 2 urtetik 18 urtera arteko hezkuntza eskaintzen dugu, Haur Hezkuntzatik hasi eta Lehen Hezkuntza, DBH eta Batxilergoa hartzen dituen ibilbidearekin. Proiektu pedagogiko propioa dugu, prestakuntza akademikoa ikasleen garapen pertsonal, sozial eta emozionalarekin uztartzen duena. Arreta pertsonalizatua, zaintza eta familiekiko gertutasuna gure hezteko moduaren parte dira. Hori guztia Antigua auzoko natur ingurune batean, euskara eta euskal kultura sustrai ditugula eta mundura begirada zabalik.

Ezagutzeko, galdetzeko eta partekatzeko bisita

Ate irekien jardunaldia gure hezkuntza-proiektua eta hura garatzen den espazioak bertatik bertara ezagutzeko aukera izango da. Etapa bakoitzean nola lan egiten dugun azalduko dizuegu, eta ikastolan barrena egingo dugun ibilbidean lagundu ere.

Txikienen familientzat, Haur Hezkuntzako espazioek protagonismo berezia izango dute. Haurrek jolasteko, esploratzeko eta autonomia garatzen hasteko dituzten giroak ezagutu ahal izango dituzue, baita ongizate afektibo eta emozionalari eta haur bakoitzaren erritmoa errespetatzeari ematen diegun garrantzia ere.

Ikastolan hasteko unea gerturatzen denean kezkatzen zaituzteten eguneroko kontuez ere hitz egin ahal izango dugu: nola laguntzen diegun haurrei familiarizazio-prozesuan, nola antolatzen ditugun otorduak eta atsedenaldiak edo nola mantentzen dugun familiekin komunikazioa. Zuen zalantzak planteatzeko eta zer behar duzuen kontatzeko tartea izatea nahi dugu.

Lehen Hezkuntzan, DBHn edo Batxilergoan ikastetxez aldatzea aztertzen ari bazarete, interesatzen zaizuen etapako proposamena eta instalazioak aurkeztuko dizkizuegu. Ikasleen garapenaren une bakoitzean nola laguntzen diegun ezagutzeak EKINTZAk zuen familiari zer eskain diezaiokeen baloratzen lagunduko dizue.

Zuen egunerokoa errazten duten zerbitzuak ere ezagutzeko aukera

Ikastola aukeratzean, familiako ordutegiak eta eguneroko ohiturak nola antolatuko dituzuen ere kontuan hartu behar da. Bisitan, sukalde propioa duen jantokiari, eskola-garraioari eta zaintza-zerbitzuari buruzko informazioa jaso ahal izango duzue, baita eskolaz kanpoko jarduerei eta gure Musika Eskolari buruzkoa ere.

Hezkuntza-esperientzia osatzen duten zerbitzuak dira, eta familia eta lan-bizitza uztartzen laguntzen dute. Nola funtzionatzen duten azalduko dizuegu, zuen beharretara ondoen egokitzen diren aukerak baloratu ahal izateko.

Ate irekiak edo bisita pertsonalizatua

Azaroaren 28an zuen zain izango gara. Zatozte EKINTZA Ikastola ezagutzera!

Azaroaren 28a ez datorkizuela ondo? Gu ezagutzeko banakako bisita bat nahiago? Bisita pertsonalizatua ere hitzartu dezakezue, ikastola ikusi eta gure lantaldearekin lasai hitz egiteko.

Aukeratzen duzuen modua edozein dela ere, entzun egin nahi dizuegu, eta erabakia konfiantzaz hartzeko behar duzuen informazioa eskaini.

Eman izena ate irekien jardunaldian edo eskatu bisita pertsonalizatua.