EKINTZA Ikastolako ikasleen erdia baino gehiago maila aurreratuan dago euskaran eta gaztelanian, Euskadiko batez bestekoa DBHn hirukoiztuz

Kanpo-ebaluazio hori bi urtean behin egiten da, eta ikasleek euskaran, gaztelanian eta matematikan dituzten gaitasunak neurtu ditu. Lortutako datuek, gaitasun-maila handia izateaz gain, bilakaera oso positiboa ere islatzen dute. Izan ere, hainbat arlotako emaitzak dira ikastolak orain arte lortu dituen onenak, eta, beraz, oso harro gaude! Emaitzak bereziki nabarmenak izan dira Euskara eta Gaztelania ataletan.

Lehen Hezkuntza: % 69,3 euskara-maila aurreratuan
Euskarazko hizkuntza-komunikaziorako gaitasunak bere zifrarik onenak lortu ditu, maila aurreratuan kokatutako batez bestekoarekin.

• Lehen Hezkuntzako 4. mailan, ikasleen % 69,3 maila aurreratuan dago, Euskadiko batezbestekoaren ( % 31,1) bikoitza baino gehiago. Gainera, % 3,8 bakarrik dago hasierako mailan, eta Euskadin, berriz, % 36.
• DBHko 2. mailan, ikasleen % 59,3 maila aurreratura iristen da, Euskadiko batezbestekoa hirikoiztuz (% 19,9), eta hasierako maila % 9,4ra jaisten da, erkidegoan erregistratutako % 42,2aren oso azpitik.

Datu horiek agerian uzten dute ikastolaren euskararekiko konpromiso irmoa eta irakurtzeko eta komunikatzeko gaitasun sendoa adierazi ere.

 

DBH: % 60 maila aurreratuan gaztelaniaz
Gaztelaniazko hizkuntza-komunikazioan ere emaitzak nabarmen positiboak izan dira, oso maila altuan kokatuz, orain arte lortutako onena.

• DBHko 2. mailan, ikasleen % 60k maila aurreratua lortu du, Euskadiko batez bestekoa hirukoiztuz (% 18,7). Gainera, ez dago ikaslerik hasierako mailan.
• Lehen Hezkuntzako 4. mailan, ikasleen % 30,8 maila aurreratuan dago (Euskadiko % 25,3aren gainetik), eta gainerako gehienak maila ertainean kokatzen dira.

Matematikan, EKINTZA Ikastolako ikasleek maila ertain-altua lortu dute, azken hamar urteetako emaitzarik onenekin.

• Lehen Hezkuntzako 4. mailan, ikasleen % 3,6 baino ez dago hasierako mailan ( % 16,6 Euskadin), eta % 42,8 maila aurreratuan dago, batez bestekoaren % 29,3tik gora.
• DBHko 2. mailan, ikasleen % 28,5 maila aurreratura iristen da ( % 17,2 Euskadin), eta gainerako gehienak maila ertainean daude.

Txostenak ikasleen irakurketa-ohiturei eta -jarrerei buruzko informazioa ere jasotzen du. Eremu horretan, bereziki nabarmendu behar da parte hartu duten Lehen Hezkuntzako 4. mailako ikasleen % 100ek irakurtzea gustuko dutela adierazi dutela, irakurketak gozamen-iturri eta ikaskuntzaren oinarri gisa duen garrantziaren adierazle oso esanguratsua baita. DBHko ikasleen kasuan, % 72,7k aipatu du gauza bera.

Kanpo-ebaluazio oro mugatua bada ere, emaitza horiek EKINTZA Ikastolako ikasleen gaitasun-maila altua eta hezkuntza-proiektuaren sendotasuna berresten dute, arreta pertsonalizatuan, gertuko laguntzan eta ikasle bakoitzaren garapen integralean oinarrituta.

Zorionak ikasle, irakasle eta familia guztiei egindako lanagatik eta lortutako emaitzengatik!