EKINTZA Ikastolan, bakarra balitz bezala tratatzen dugu haur bakoitza. Hala dira eta. Bi lerroko ikastola gara, eta gurean arreta pertsonalizatua da nagusi: ikasleekiko eta familiekiko hurbiltasun-harremanak sustatzen ditugu gure hezkuntza-proiektuaren etapa guztietan, 2 eta 18 urte bitartean.

Nola egiten dugu? Gure hezkuntza-proposamena etengabe hobetzen dugu. Eta, esparru horretan, talde nabarmena dugu, irakasleek, hezkuntza-laguntzako langileek eta orientazio pertsonalekoek osatua. Horrela, gure ikasleei laguntza osoa eta pertsonalizatua eman diezaiekegu ikastolan egiten duten ibilbide osoan zehar.

Modu horretan, gertu egonik, haur eta nerabe bakoitza den bezala ezagutzen eta onartzen dugu: haien ibilbide pertsonal eta akademikoak ezagutzen ditugu, baita haien familiak ere. Bidean laguntze hori 2 urteko gelan hasten da, eta batxilergora arte mantentzen da. Etapa bakoitzean, ikasle bakoitzari behatzen diogu, bidea egokitzen dugu ziklo bakoitzeko helburuak betetzeko, eta bere gaitasunak eta ahalmenak erabat azaleratzeko behar dituen baliabideez hornitzen dugu.

Haur Hezkuntzan, Lehen Hezkuntzan, Bigarren Hezkuntzan eta Batxilergoan lantzen ditugun metodologia berritzaileek funtzionatzeko modu hori errazten digute, ikasle bakoitzarekiko lana bereiztea ahalbidetzen baitute.

Irakasleen begirada arretatsuak eta familiekiko komunikazio arinak, Lehen Hezkuntzako eta DBHko maila guztietan Kiva programa ezartzearekin batera, ikastolako haur eta nerabeen ongizaterako funtsezko beste elementu bat osatzen dute: eskola-jazarpenaren prebentzioa.

Azken batean, arreta pertsonalizatua eta banakako ibilbidea eskaintzen ditugu, EKINTZAko ikasle bakoitza dena eta izan daitekeen guztia izatera bideratzeko. Errespetu-, ahalegin- eta konpromiso-balioak barneratu dituzten pertsona trebeak, bihar gizartearentzat eta ingurukoentzat erreferente izango direnak.

Gure hezkuntza-proposamena, lantaldea eta instalazioak ezagutu nahi badituzu, zatoz gu ezagutzera. Eskatu bisita pertsonalizatua, edo parte hartu urtarrilaren 13rako antolatu dugun ate irekien jardunaldian.

Deitu iezaguzu 943 21 03 07 edo eman izena hemen.