EKINTZA ikastolako lantaldean uste dugu metodologia berritzaileak tresna bat direla, gure ikasleei beren gaitasun akademiko eta pertsonal guztiak erabiltzea errazteko.

Berrikuntzaren esanahia, hemen, etengabeko ikaskuntzaren aldeko apustua egitea da, eta gure ikasleei eta familiei beren bizitzetan etengabeko erronka ekarriko dien hezkuntza eskaintzeko formula egokia lortzea. Hezkuntza haiekin batera hazten da, eta, beste balio batzuen artean, gaitasun akademikoa espiritu kritikoarekin, erantzukizunarekin, errespetuarekin eta elkartasunarekin uztartzen duena irteera-profil baten lagungarri da.

Ikastolan teknologia berrien erabilera hezitzailea egiten dugu. Pantailak pixkanaka eta arduraz integratzen ditugu. Lehen Hezkuntzatik aurrera, Innovamat proiektuaren bidez irakasten dugu matematika. Konpetentzia- eta manipulazio-metodologia horrek aukera ematen dio haur bakoitzari bere ikaskuntza matematikoaren protagonista izateko. Enborreko ikasgai horri garrantzi handia ematen diogu EKINTZAn. Halaber, STEM eremuan robotikako gela bat dugu, eta, eskarmentudun profesionalen eskutik, ikasleek programazio-lengoaiak ikasten dituzte.

Lehen Hezkuntzako gure metodologiaren beste ezaugarri bat Batera diseinu-proiektua da. Horri esker, besteak beste, ikasgelak hainbat gelatako neska-mutilen baterako lanera ireki ditzakegu, elkarlaneko ikaskuntzaz elika daitezen. Batera proiektuari esker, gainera, matematika eta euskara eman ditzakegu hiru irakasleren laguntzarekin, eta horrek ikasgaiak talde txikietan eta modu inklusiboan lantzea errazten digu. Gero eta gehiago egiten dugu lan proiektuen arabera, eta, pixkanaka, lan egiteko modu hori DBHn ere ari gara txertatzen.

Azken batean, gure ikastolan argi eta garbi egiten dugu gure proiektu pedagogikoa etengabe berrikusi eta eguneratzearen alde. Hala egiten dugu, betiere, gure ikasleei beren potentzial handiena aurkitzeko aukera emateko asmoz, 2 urtetik 18 urtera, goi-mailako ikasketak hasi orduko ahalik eta egoerarik onenean egon daitezen.

Gure hezkuntza-proposamena, lantaldea eta instalazioak ezagutu nahi badituzu, zatoz gu ezagutzera. Eskatu bisita pertsonalizatua, edo parte hartu urtarrilaren 13rako antolatu dugun ate irekien jardunaldian.

Deitu iezaguzu 943 21 03 07 edo eman izena hemen.